MOST OUTSTANDING PROJECT MONITOR ITI REHION UNO. Iti maikadua nga agsaruno a tawen, inyalat ti Gobierno Probinsial ti Ilocos Sur ti pammadayaw a Dayaw ti Agimanman-Saririt Award kas panangbigbig ti Regional Development Council (RDC) 1 ken (RPMC) Regional Project Monitoring Committee iti napintas a panangmonitor ken panangsiputda kadagiti maiyim-implementar a proyekto iti nadumaduma a paset ti probinsia. Iti umuna a ladawan, inawat da Gobernador Jeremias “Jerry” Singson (tengnga) kaduana da Project Evaluation Officer III Rolando Quibilan (kanigid) ken OIC Provincial Engineer Leonard Pascua ti Plake ti Pammigbig bayat  ti RDC-1 Awards idi Hunio 28, 2024 sadiay Hotel Ariana, Bauang, La Union. (Maikadua a ladawan) Mismo a da RDC-1 Chairman ken Ilocos Norte Governor Matthew Marcos Manotoc (maikadua manipud kanawan), NEDA Regional Director Stephanie Christiansen (kakannigidan) ken dagiti kameng ti RPMC ti nangiyawat iti pammadayaw. Inyalat ti Ilocos Sur ti isu met laeng a pammadayaw itay napan a tawen. (Mancielito S. Tacadena)